May dapat i-explain bago mag-complain si MTRCB Chair Consoliza Laguardia.
May balita (balita ha, hindi tsismis) na kumakalat na diumano, pinagagawa ng fake na minutes of the meeting ang board secretary ng MTRCB dahil wala sa minutes of the meeting ang memo circular na inilabas ni Laguardia para sa extension ng validity ng mga deputy ID?
True kaya ang umiikot na balita na nangangailangan ng explanation mula kay Laguardia?
May kinalaman pa rin ang balita sa isyu ng paghingi ng Ombudsman ng authenticated copy ng memo circular kaya biglang nagpatawag si Laguardia ng emergency meeting noong Lunes.
Nataranta raw si Laguardia dahil alam niya na walang MTRCB resolution ang memorandum tungkol sa extension ng mga deputy ID kaya illegal ito.
‘Yan na nga ba ang sinasabi ko. May mga problema na dapat ayusin sa MTRCB pero inuuna ni Laguardia ang pakikisawsaw sa mga showbiz issue na wala naman siyang direktang kinalaman.
* * *
Naalaala ko tuloy ang kuwento noong ipatawag ni Laguardia sina Joey de Leon at Willie Revillame.
Araw ‘yon ng Biyernes.Pumayag si Joey na pumunta sa opisina ng MTRCB para pagbigyan ang meeting na nire-request ni Laguardia.
Alas-tres nang hapon ang meeting pero naging 5 pm ito. Natural, hindi na puwede si Joey ng 3 pm dahil may taping siya ng Mel & Joey.
Imbiyerna raw si Laguardia dahil biglang hindi pumuwede si Joey. May mga text message siya na “ I want Joey now’ “ dahil nangako si Joey na sisipot sa meeting.
Napaka-demanding niya ‘ha? Hindi man lamang siya gumagamit ng salitang please.
Take note, siya mismo ang nagpapadala ng mga text message.Hindi ang kanyang sekretarya o mga tauhan kaya napagbibintangan siya ng power-tripping!
Totoong nangako si Joey na sisipot sa meeting pero 3 pm siya available at hindi 5 pm.
‘Yun pala, 5 pm pa puwede si Willie dahil inaabot ng 3 pm ang Wowowee.So, lumalabas na gustong i-set up ni Laguardia si Joey dahil kung magpapang-abot ang dalawa sa kanyang opisina, baka mapilitan si Joey na makipagbati kay Willie.
Kanino mapupunta ang credit? Sino ang magiging bida ? Sino pa? Eh di si Laguardia dahil naging peacemaker siya.
Paano kung walang taping si Joey at nagpunta ito sa MTRCB? Siya ang magmumukhang masama kung hindi siya makikipagkasundo kay Willie sa harap ni Laguardia!
Basang-basa ko na ang mga kilos ni Laguardia.Talagang naimbyerna siya dahil nabale-wala ang kanyang effort na mapagbati sina Willie at Joey.Lalo siyang nairita dahil hindi na nga nagpaparinig si Joey pero nagsusuot naman ito ng mga t-shirt na may tatak na 2-0.
Palagi niyang inililigtas ang sarili kahit sa kanya nangggaling ang mga utos na dapat suspendihin si ganito o ganire.Siya ang nagdidikta sa mga TV network ng guidelines na dapat ilabas pero kapag nagkabukingan, sinasabi niya na initiative ‘yon ng TV network management.
May mga nagtatanong sa akin kung bakit pinag-aaksayahan ko ng panahon si Laguardia. Bakit hindi? Hindi tama na pabayaan natin na masunod ang mga gusto niya na wala sa batas at hindi nakasulat sa MTRCB rules.
May karapatan ako na kuwestyunin ang kanyang pamamalakad dahil public official siya. Good taxpayer ako at galing sa kaban ng bayan ang ipinasusuweldo kay Laguardia at sa ibang public official kaya karapatan ko na mag-demand ng explanation kapag may nakikita ako na mga kapalpakan sa kanilang pamamalakad!
* * *
Malamang, absent pa rin bukas sa Startalk si Joey. Bukas ko pa malalaman ang latest update tungkol sa kanyang indefinite leave of absence bilang co-host ng Startalk.
Hindi ako magtataka kung manood bukas ng Startalk si Laguardia dahil guguwardyahan niya ang mga sasabihin ko sa TV.
Hindi ako magugulat kung ako naman ang pag-initan niya dahil hindi ako nangingimi na sabihin ang aking mga puna sa kanyang maling pamamalakad.
May mga nagsabi nga sa akin na baka ako ang susunod na i-suspend ni Laguardia dahil mapaghiganti siya. Sooo? Hangga’t wala akong mali na ginagawa, wala akong dapat ikabahala. Never akong matatakot sa kanya!
SOURCE: Lolit Solis of philstar.com
