May Kredibilidad Ba si Lolit sa Kontrobersyang Sam Milby at Piolo Pascual?
October 17, 2007
Digg 
Del.icio.us 
Reddit
Naglabas na ng statement ang Timex people para i-deny ang aking kuwento na nakita ko sa poolside coffee shop ng Sofitel noong Biyernes sina Piolo Pascual at Sam Milby.
Sinabi ng Timex product manager na si Gemma Pagsibingan na marami silang makapagpapatunay na nasa studio ni Raymond Isaac si Piolo ng oras na makita ko ito sa Sofitel.
Very un-corporate ang statement ni Gemma dahil ang mga litrato raw nina Angel Locsin at Piolo ang sweet. Imbes na magbigay ng straight-to-the point na statement, nagpa-cute pa siya.
Ano ang masasabi ko? Hindi ko babaguhin ang aking kuwento. Sa mga nagdududa, bakit hindi ninyo tanungin si Gorgy Rula na tinawagan ko kaagad sa kanyang cellphone, ilang minuto pagkatapos kong makita sina Sam at Piolo.
Ikinuwento rin kaagad ni Gorgy kina Jerry Olea at Jinkee Ilusorio ang ibinalita ko sa kanya.
Bayolente ang reaksyon ng ibang tao. Sinisiraan ko raw sina Sam at Piolo. Ano naman ang mapapala ko kung sisiraan ko sila? Nagkadatung ba ako? Sino ba ang umaani ngayon ng libreng publicity at pinag-uusapan nang husto?
Nagtataka lang ako kung bakit aligaga sa pagpapaliwanag ang mga kampo nina Sam at Piolo, eh wala naman masama sa isinulat ko na nakita ko sila na sweet na nag-uusap sa poolside coffee shop at nagkaroon lang ako ng malisya nang bigla silang umalis nang malaman nila na naroroon din ako. Ano ang masama doon?
Sa totoo lang, ako pa ang nagagamit sa isyung ito dahil hindi naman ako ang nakikinabang sa mga publicity.
Sumali na rin sa eksena ang Timex people na nagkaroon bigla ng publicity, at my expense. Nagbigay pa sila ng mga eksaktong oras ng pamamalagi ni Piolo sa studio ni Raymond kaya nagmalisya uli ako na baka gamitin ang isyu para mapag-usapan ang relo na ini-endorse ni Piolo.
Teka, dahil nagagamit ako sa publicity ng Timex, dapat nila akong bigyan ng relo na merong date para sa susunod na makita ko uli si Piolo, lalo akong magiging sigurado sa oras at araw.
SOURCE: Lolit Solis on philstar.com
Posted in Controversy, Piolo Pascual, Sam Milby, Scandals
