Osang, Di Pwedeng Magtrabaho sa ABS-CBN?!?!

September 11, 2007

Digg Del.icio.us Reddit

Ipinasusulong ng Court of Appeals sa Quezon City Regional  Trial Court ang kasong sibil na isi­nam­pa ng GMA Network laban sa ABS-CBN at sa aktres na si Ro­san­na Roces (Jennifer Molina sa tunay na buhay).

Ito ay matapos na idismis ng  CA 12th Division ang petition  ng ABS-CBN na humihiling na mapawa­lang­saysay  ang kasong breach of con­tract, contractual interference at da­mages na isinampa ng GMA Net­work.

Ipinaliwanag ng  ABS-CBN na  walang cause of action para kasu­han sila ng GMA nang kunin nila ang serbisyo ni Roces dahil maituturing nang terminated ang talent contract nito sa GMA-7 nang hayaan nito ang aktres na ianunsyo ang kanyang pagreretiro sa showbiz sa isang talk show mismo sa Channel 7 noong July 2004.

Gayunman, nakasaad sa 13-pa­hinang desisyun ng CA na ang kwes­tyon kung nananatili nga bang balido ang talent agreement ng GMA at ni Roces ay nangangailangan ng presentasyon ng mga ebidensya sa  mababang korte at hindi masasagot sa pamamagitan ng opinyon lamang ng ABS-CBN.

Idiniin ng  CA na ang basehan ng pagsasampa ng kaso ng GMA laban sa ABS-CBN ay dahil ilang araw matapos ianunsyo ni Osang ang kanyang pagreretiro umano sa showbiz, ay saka naman nagsimula ang ABS-CBN sa pag-eere ng program plug sa pag-guest ni Osang sa programang EK Channel at sa kalaunan ay ang pagkuha sa serbisyo ng aktres bilang co-host ng showbiz talk show na The Buzz sa kabila nang ilang beses na pagpa­padala ng GMA ng liham sa ABS-CBN upang ipaalala na hindi pa paso ang talent agreement ng babae sa  GMA.

Batay sa record ng korte, kinuha ng GMA si Osang bilang isa sa host ng programang Startalk mula Marso 2004 hanggang March 27, 2005.

Posted in Rosanna Roces, Kapamilya, Kapuso